پشتى كۆ ئێڤاریا ئه‌ڤرۆ ل سنورێ پارێزگه‌ها دهۆكێ گه‌نجه‌ك د چیایه‌كێ دا كه‌فتیه خوار، ب رێكا فرۆكێن هه‌وارهاتنا دهۆكێ گیانێ وى ژ مرنێ هاته قۆرتالكرن. كاوه ئامێدى ژ تیما فرۆكه‌ڤانێن دهۆكێ بۆ(باسنیوز) دیاركر:” ئه‌ڤرۆ رۆژا ئه‌ینى ل ده‌مێ ئێڤارى په‌یوه‌ندى ب مه هاتیه كرن كۆ گه‌نجه‌ك د چیایێ مه‌قلۆب دا كه‌فتیه خارێ ل سنورێ قه‌زا شێخان، هه‌ر بله‌ز ئه‌م به‌ره‌ڤ جهێ رۆیدانێ ڤه چوین، ژ به‌ر كۆ ل وى جهێ كه‌فتیه خوار، رێكا ترۆمبێلان نینه، زوترین ده‌م ئه‌م به‌رهه‌ڤ بووینه و مه ب رێكا فرۆكێ ئه‌و كه‌سه بۆ نه‌خۆشخانا هه‌وارهاتنێ ڤه‌گۆهاستیه”. كاوه ئامێدى دۆپات ژى كر:” ئه‌ڤ رۆیدانه به‌رده‌وام درۆست دبن، تیمێن مه به‌رده‌وام ب ئه‌ركێ خۆ یێ پیرۆز رادبن وژ پێخه‌مه‌ت قۆرتالكرنا خه‌لكى و پاراستنا گیانێ وان، هه‌رده‌م ئه‌م د ئاماده‌باشیێ داینه”.
ل سنورێ دهۆكێ ژیانا گه‌نجه‌كێ هاته قۆرتالكرن
