ئەمڕۆ سەرۆكایەتیی پەرلەمانی كوردستان كۆ دەبێتەوە

‎ئەمڕۆ سەرۆكایەتیی پەرلەمانی كوردستان كۆ دەبێتەوە بۆ گفتوگۆ لەبارەی دەستپێكردنەوەی دانیشتنەكانی پەرلەمان. بەپێی زانیارییەکانی (باسنیوز)، بڕیارە نیوەڕۆی ئەمڕۆ، سێشەممە 17/5/2022، سەرۆكایەتیی پەرلەمانی كوردستان لەنێو خۆیاندا كۆ ببنەوە بۆ گفتوگۆ لەبارەی دانانی بەرنامەی كاری دانیشتنەكانی پەرلەمان و دەستپێكردنەوەی دانیشتنەكان كە نزیكەی سێ مانگە سەرۆكی پەرلەمان لەژێر فشاری حزبەكەیدا پەیڕەوی ناوخۆی پەرلەمان پێشێل دەكات و دانیشتنەكانی ڕاگرتووە. ‎بەگوێرەی زانیارییەکان، دوای كۆبوونەوەی سەرۆكایەتیی پەرلەمانی کوردستان، لەم ھەفتەیەدا سەرۆكی فراكسیۆنەكانیش لەگەڵ سەرۆكایەتیی پەرلەمان کۆ دەبنەوە بۆ ئەوەی ھەوڵی لادانی ئەو بەربەستانە بدەن كە لەبەردەم دەستپێكردنەوەی دانیشتنەكانی پەرلەماندان.