وه‌زاره‌تی گواستنه‌وه و گه‌یاندنی حکوومەتی هەرێمی کوردستان ئاشكرای کرد سبه‌ی خۆڵبارین چڕتر ده‌بێت و له كاتژمێر 10ی بەیانی مه‌ودای بینین كه‌متر ده‌بێته‌وه. وه‌زاره‌تی گواستنه‌وه و گه‌یاندن لە راگه‌یه‌ندراوێكدا بڵاویکردووەتەوە: “سبه‌ی سێشەممە 24/5/2022، خۆڵبارین به‌رده‌وام ده‌بێت و تا كاتژمێر 10ی پێش نیوه‌ڕۆ مه‌ودای بینین 3 بۆ 5 كیلۆمه‌تر ده‌بێت، دواتر كاریگه‌رییه‌كه‌ی لاواز ده‌بێت”. ئەوەش خراوەتە روو: “لەناوچەکانى کەرکووک و گەرمیان سبه‌ی کاریگەرییه‌كانی خۆڵبارین زیاتر دەبێت و مەوداى بینین لە 2 كیلۆمه‌تر کەمتر دەبێت”. هەروەها وه‌زاره‌تی گواستنه‌وه ئاماژەشی بەوەداوە کە لە رۆژی چوارشه‌ممه 25/5/2022، ئەم شه‌پۆلی خۆڵبارینە كۆتایی پێدێت.
وەزارەتی گواستنەوە: سبه‌ی خۆڵبارین چڕتر ده‌بێت
