كاركردن لە پڕۆژەی هێڵی كارەبای 132 كەیڤیی بازیان-ڕانیە بەردەوامە

كاركردن لە پڕۆژەی هێڵی كارەبای 132 كەیڤیی بازیان-ڕانیە بەردەوامە، كە پڕۆژەیەكی گرنگی ستراتیژیی كارەبایە و لەلایەن حكوومەتی هەرێمی كوردستانەوە جێبەجێ دەكرێت. ئەمڕۆ هەینی، فەرمانگەی میدیا و زانیاریی حكوومەتی هەرێمی كوردستان بڵاوی كردەوە كە کارکردن لە پڕۆژەی هێڵی کارەبای 132 کەیڤی بازیان-ڕانیە، کە یەکێکە لە پڕۆژە ستراتیژییەکانی ژێرخانی هەرێمی کوردستان، بەردەوامە. ئەوەش خراوەتە ڕوو، ئەو پڕۆژەیە پێک هاتووە لە 302 تاوەری کارەبا و درێژییەکەی 100 کیلۆمەترە. ئاماژە بۆ ئەوەش كراوە كە ڕۆژانە 200 کەس کە 75٪یان دەستی کاری ناوخۆیین، بۆ ماوەی 12 کاتژمێر کار لەناو پرۆژەكەدا دەكەن.