بوومەلەرزەیەكی بەهێز رۆمانیای هەژاند

ئێوارەی ئەمڕۆ سێشەممە بوومەلەرزەیەك بە هێزی5.7ی پێوانەی ڕێختەر، شاری كرایۆڤای باشووری رۆژئاوای رۆمانیا و دەوروبەری هەژاند. ئاژانسی هەواڵی (ئەنادۆڵو)ی توركی لە ناوەندی ڕوانگەی بوومەلەرزەی ئەورووپای ناوەڕاست “EMSC”ی گواستەوە كە كاتژمێر 13: 16 بە كاتی گرینچ، بوومەلەرزەیەك لە قووڵایی 40 كيلۆمەتر لەژێر زەویەوە رووی داوە. دانیشتوانی شارەكە و ناوچەكانی دەوروبەری هەستیان بە بوومەلەرزەكە كردووە، تەنانەت لە بەشێكی وڵاتی سربیاشدا خەڵك هەستیان بە جوڵانەوەی زەوی كردووە، تا ئێستا هیچ زانیارییەك لەبارەی زیانەكانی ئەم بوومەلەرزەیە رانەگەیەندراوە.