ئه‌ڤرۆ ل باژێرێ دهۆكێ، وۆركشۆپه‌كا تایبه‌ت ب ئارمانجا پێشڤه‌برنا ئاستێ په‌روه‌ردێ هات ئه‌نجامدان كۆ كه‌سایه‌تیێن جۆدا جۆدا تێدا پشكدارببون. به‌كر عه‌لى قادر، سه‌رپه‌رشتێ وۆركشۆپێ بۆ (باسنیوز) گۆت: “ل سه‌رانسه‌رى عیراقێ، ووركشۆپێن تایبه‌ت هاتینه ئه‌نجامدان، بۆ سێیه‌مین كۆنفرانسێ په‌روه‌رده‌یێ، كۆ ژڤانه ل داهاتى ل هه‌ولێرا پایته‌ختێ هه‌رێما كوردستانێ بهێته ئه‌نجامدان، ئه‌ڤرۆ ژى ل دهۆكێ ووركشۆپه‌ك هاتیه ئه‌نجامدان كۆ هه‌ر ئێك ژ زانكۆیا دهۆك،زانكویا پۆلیته‌كنیكى یا دهۆكێ، زانكویا زاخۆ، زانكویا جیهان و نه‌ورۆز كۆ 16 كه‌سایه‌تیێن بسپۆى د ڤى بوارى دا پشكدارى ووركشۆپێ بوونه و گۆتژى:” هه‌ر ئاریشه‌كا هه‌ى كۆ بكه‌ڤیته به‌ر سینگێ قۆتابى و ماموستاى دێ هێته به‌حس كرن تا كۆ ل نێزیكترین ده‌م هه‌ول بهێته دان، رێكا چاره‌سه‌ریێ بهێته دیتن. به‌كر عه‌لى قادر، سه‌رپه‌رشتێ ووركشۆپێ دیار ژى كر: “په‌یره‌وكرنا په‌روه‌رده‌یێ بۆ نڤشه‌كێ بالكێش و باش ئارمانجا مه بوویه،د هه‌مان ده‌مدا، وان ئاریشان ده‌ستنیشان بكه‌ین ئه‌وێن د كه‌رتێ په‌روه‌ردێ دا هه‌ى، د كۆنفرانسێ سیێ دا دێ ئه‌و ئاریشه هێنه به‌حس كرن، هه‌ول دێ هێته دان ئاریشه بهێته چاره‌سه‌ركرن، هه‌م ماموستا و هه‌م قۆتابى ژ ئه‌نجامێن كۆنفرانسى دێ مفادار بیت، ئه‌ڤرۆ ژى ب تێروته‌سه‌ل به‌حس ل وان رێكا هاته كرن ئه‌وێن دبنه ئه‌گه‌ر ئاستێ قۆتابى به‌ره‌ڤ پێشڤه بچیت د گه‌ل پێشكه‌فتنا ته‌كنولۆجیایێ، مفاى ژ هه‌ر كه‌رسته و پێكهاته‌كێ ل ده‌ورۆبه‌رێن خۆ وه‌ربگریت، ئارمانجا مه ژى پێشڤه‌برنا كه‌رتێ په‌روه‌ردێ یه”.
دهۆك.. وۆركشۆپا پێشڤه‌برنا ئاستێ په‌روه‌ردێ برێڤه‌چوو
