قوتابخانەیەكی خوێندنی كوردیی كەركووك لەسەر ئاستی عێراق پلەی یەكەمی سەوازیی بەدەست هێنا

قوتابخانەیەكی خوێندنی كوردی كەركووك یەكەمی سەر ئاستی عێراقی بەدەست هێنا بۆ جوانی باخچەی قوتابخانەكە و ژینگەپارێزی لەو قوتابخانەیەدا. شێرزاد ڕەشید، بەڕێوەبەری خوێندنی كوردیی كەركووك، بە (باسنیوز)ی ڕاگەیاند: ”ئەمڕۆ سێشەممە 14ی 3ی 2023، ئامادەی رێوڕەسمێك بووین لە قوتابخانەی چراخانی سەرەتایی تێكەڵاو لە كەركووك كە ئەو قوتابخانەیە سەر بە خوێندنی كوردییە و لە ڕووی جوانیی باخچەی قوتابخانەكە و ژینگەپارێزییەوە لەسەر ئاستی عێراق پلەی یەکەمی بەدەست هێنا.” گوتیشی: بەرپرسی هۆبەی باخچەكان لە پەروەردەی عێراقەوە سوپاس و پێزانینی وەزیری پەروەردەی عێراقی ئاراستەی گارگێڕیی قوتابخانەكە كرد و ئێمە شانازیی پێوە دەكەین كە قوتابخانەیەكمان لەسەر ئاستی عێراق یەكەمە و خۆیشمان وەك خوێندنی كوردی وەزارەتی پەروەردەی حكوومەتی هەرێمی كوردستان سوپاسنامەیەكیان ئاراستە دەكەین و نمونەیان زۆر بێت.