شایستە داراییەکانی مامۆستایانی وانەبێژ دابەش دەکرێت

سبەی شایستە داراییەکانی مانگی 1ی ساڵی 2023ی مامۆستایانی وانەبێژی چەند پەروەردەیەک دابەش دەکرێت. ئەمڕۆ چوارشەممە 15/3/2023، عەلی رەئووف مستەفا، نوێنەری گشتی مامۆستایانی وانەبێژ بڵاویکردووەتەوە: سبەی پێنجشەممە 16/3/2023، شایستە داراییەکانی مامۆستایانی وانەبێژ مانگی 1ی2023ی چەند پەروەردەیەک دابەشدەکرێت. ئەوەشی خستووەتە روو کە سبەی هەریەک لە پەروەردەکانی (دەورووبەری هەولێر، دەشتی هەولێر، رۆژهەڵات و رۆژئاوای دهۆک، بەردەڕەش، ئاکرێ، شەقڵاوە و مێرگەسۆر) شایستە داراییەکانی مامۆستایانی وانەبێژیان بۆ خەرج دەکرێت.