لە سلێمانی كەسێك خەزووری خوشكەكەی كوشت

لە سلێمانی پیاوێك كە تەمەنی 53 ساڵ بوو، بە دەستی برای بووكەكەی بە چوار فیشەك كوژرا. بەپێی زانیارییەکانی (باسنیوز)، ئەمڕۆ هەینی 24/3/2023، لە گەڕەکی ڕاپەڕینی سلێمانی، پیاوێكی تەمەن 53 ساڵ بە ناوی (ح،س)، کە باوکی شەش منداڵ بووە /پێنج كوڕ و كچێك/، لەلایەن برای بووكەكەی بە چوار فیشەک کوژرا. دوای ڕووداوەکە، ھێزەکانی پۆلیس تەرمەکەیان ڕەوانەی پزیشکی دادی سلێمانی کردووە و پەڕاوی لێکۆڵینەوە بۆ ڕووداوەکە کراوەتەوە.