بەردەرەش.. پشتی دانانا دەرزیەکێ ژنەکێ گیانێ خۆ ژدەست دا

ئێڤاریا ئەڤرۆ یا رۆژا چارشەمبی ل سنورێ قەزا بەردەرەش پشتی دانانا دەرزیەکێ، ژنەکا ٣٥ سالی گیانێ خۆ ژدەستدا. نێچیرڤان فەخرەدین بەرپرسێ راگەهاندنا ساخلەمییا قەزا ئاکرێ بۆ (باسنیوز) گۆت: “ئێڤاریا ئەڤرۆ یا رۆژا چارشەمبی ژنەکا 35 سالی ب ناڤێ “ش.ح” خەلکا گوندێ ئیکمالەیا سەر ب ناحیا رۆڤیا ل سنورێ قەزا بەردەرەش، پشتی دانانا دەرزییەکا تایبەت ب نەخۆشییێن هەستیارییێ “حساسی” گیانێ خو ژ دەستدایە و تەرمێ بۆ نۆژدارییا داد یا دهۆکێ هاتییە ڤەگوهاستن. دۆپات ژی کر: “ل نەخۆشخانا رۆڤیا ل قەزا بەردەرەش وێ ژنێ دەرزی دانایە پشتی دانانا دەرزیێ گیانێ خۆ ژدەستدایە و تەڕمێ وێ بۆ نۆژداریا داد یا دھۆکێ ھاتیە رەوانەکرن بۆ زانینا ئەگەرێ دروست یێ ڤێ رۆیدانێ ژبەر کۆ تا نوکە ب فەرمی ئەگەرێ دروست یێ گیان ژدەستدانا وێ نەھاتیە زانین”.