سیروان بارزانی: پەلامارێکی تیرۆریستانی داعشمان شکست پێ هێنا

فەرماندەی میحوەری گوێڕ-مەخمووری هێزەکانی پێشمەرگەی کوردستان ڕایگەیاند، شەوی ڕابردوو داعش هێرشی کردووەتە سەر خاڵێكی هێزەکانی پێشمەرگە. سیروان بارزانی، فەرماندەی میحوەری گوێڕ-مەخمووری هێزەکانی پێشمەرگە بە (باسنیوز)ی ڕاگەیاند: ”کاتژمێر 11:15 خولەکی شەوی ڕابردوو تیرۆریستانی داعش هێرشیان کردە سەر خاڵێکی لیوای 18 لە میحوەری شەش لە نزیک گوندی عاللا، بەڵام هێرشەکەیان لەلایەن هێزی پێشمەرگەوە شکستی پێ هێنرا.” هاوکات لەبارەی زیانەکانی هێزی پێشمەرگە بەهۆی ئەو هێرشەوە گوتی: سوپاس بۆ خوا هێزەکانمان هیچ زیانێکی گیانییان نەبووە، بەڵام توانیمان شکست بە هێرشەکەی داعش بهێنین.