دوێشەو بەهۆی هەورەبروسكە وێستگەی کارەبای پردی حافز لەکار کەوت و کارەبای هەردوو ناحیەی وەرتێ و سمێلان و گوندەکانی دەوروبەری پچڕا، هەروەها ”قاتعی محاویلە”ی گوندی ئاڵکا لە سنووری ناحیەی بلێ سووتا. وەفا سەعیدخان، بەڕێوەبەری ڕاگەیاندنی بەڕێوەبەرایەتیی گشتیی كارەبای ئیدارەی سۆران، بە (باسنیوز)ی ڕاگەیاند: دوێشەو 11 لەسەر 12ی 4ی 2023 وێستگەی کارەبای پردی حافز بەهۆی هەورە بروسکەوە لە کار کەوت و کارەبای هەردوو ناحیەی وەرتێ و سمێلان و گوندەکانی دەوروبەریان پچڕاوە. هەروەها ”قاتعی محاویلە”ی گوندی ئاڵکا لە سنووری ناحیەی بلێ سووتا. گوتیشی: تیمە تەكنیكییەکانی كارەبا سەرقاڵی چاككردنەوەی وێستگەی ئەم دوو ناحیە و گوندەكانیان و محاویلەی گوندەكەی دیكەن، بۆ ئەوەی بە زووترین كات كارەبایان بۆ بگەڕێتەوە.
هەورەبرووسكە وێستگەی كارەبای چەند ناحیە و گوندی سنووری ئیدارەی سۆرانی لەكار خست
