دوو باندی مەترسیداری بازرگانیکردن بە ماددەی ھۆشبەر دەستگیر کران

تیمەکانی بەڕێوەبەرایەتی گشتیی نەهێشتنی ماددەهۆشبەرەکانی سەر بە ئەنجوومەنی ئاسایشی هەرێمی کوردستان دوو باندی مەترسیداریان دەستگیر کرد. ئەمشەو یەکشەممە 23/4/2023، بەڕێوەبەرایەتی گشتیی نەهێشتنی ماددەهۆشبەرەکان لە راگەیاندراوێکدا بڵاویکردووەتەوە: “لە زنجیرە چالاکیەکی یەک لەدوای یەکدا لە ماوەی ھەشت رۆژی رابردوودا تیمەکانی بەڕێوەبەرایەتی نەهێشتنی ماددەھۆشبەرەکان، لەدوو چالاکیدا دوای کۆکردنەوەی زانیاری و بەدواداچوونی ورد و گرتنەبەری رێکارەیاساییەکان توانییان دوو باندی مەترسیداری بازرگانی کردن بەماددەی ھۆشبەر دەستگیربکەن”. ئەوەش خراوەتە روو: “باندەکە پێکھاتبوون لە چوار کەس، لەم دوو چالاکییەشدا توانرا بڕی 11 کیلۆ گرام لەماددەی ھۆشبەر لەجۆری کریستاڵ و حەشیش دەستی بەسەردا بگیرێت بکەن”.