لە کەرکووک پیاوێک بە دەسڕێژی گوللە بریندار کرا

لە شاری کەرکووک لەلایەن چەکدارانی نەناسراوە تەقە لە پیاوێک کرا و برینداری کرد. بەپێی زانیارییەکانی (باسنیوز)، درەنگانی شەوی هەینی 5/5/2023، لە گەڕەکی دۆمیزی شاری کەرکووک لەلایەن چەکدارانی نەناسراوە تەقە لە پیاوێک بە ناوی مەحموود عەبدوڵا کرا و بریندار بوو. ئەوەش زانراوە، ئەو پیاوە چەند فیشەکێکی بەر کەوتووە و پاشان بە برینداری گەیەنرایە نەخۆشخانە و هێزە ئەمنییەکان گەیشتوونە شوێنی ڕووداوەکە و دەستیان بە لێکۆڵینەوە کردووە.