هەولێر.. دوو دەرمانخانە داخران

بەڕێوەبەرایەتی کۆنتڕۆڵی جۆری دەرمان لە وەزارەتی تەندروستی، دوو دەرمانخانەی لە شاری هەولێر داخست. ئەمڕۆ پێنجشەممە 25/5/2023، بەڕێوەبەرایەتی کۆنتڕۆڵی جۆری دەرمان بڵاویکردەوە: “پاش بەدواداچوونی لیژنەی باڵای چاودێری دەرمان لەسەر سکاڵای ھاووڵاتییان دوو دەرمانخانە لە شاری ھەولێر داخران بە ھۆکاری پابەندنەبوون بە نرخی سەر ستیکەر و فرۆشتنی دەرمانی ماوەبەسەرچوو”. هەروەها بەڕێوەبەرایەتی کۆنتڕۆڵی جۆری دەرمان ھۆشداری بەھاوڵاتییان دەدا کە چاوکراوەبن لە ھەبوونی ھەر حاڵەتێکی سەرپێچی و نەخوازراو لە کاتی کڕینی دەرمان و تیمەکانمین ئاگاداربکەنەوە لە رێگەی ژمارە تەلەفۆنی (07502356000).