ل ئێدارا سەربەخۆیا زاخۆ ئێکەمین فێستیڤالا شەلوشەپک دھێتە ئەنجامدان

رێڤەبەرێ رەوشەنبیرێ و ھونەرێ ل ئێدارا سەربەخۆیا زاخۆ دیار کر، ھەموو بەرھەڤیی ھاتینە کرن ل رۆژا ٢١،٦،٢٠٢٣، ئێکەمین فێستیڤالا شەلوشەپکان ل ئێدارا زاخۆ بھێتە ئەنجامدان دێ ھژمارەک ژ قونسلخانا و بالیۆز دەولەتان پشکدار بن”. دلخاز مووسا، رێڤەبەرێ رەوشەنبیری و ھونەری ل ئێدارا سەربەخۆیا زاخۆ بۆ (باسنیوز) راگەھاند کو: “ھەموو قونسلخانا و بالیۆزی دەولەتان ل ھەرێما کوردستانێ بۆ پیشکداریکرنێ د ئێکەمین فێستیڤالا شەلوشەپکدا ل زاخۆ ھاتینە داخوازکرن، مەرەم پێ ئەوە پتر کولتووری خوە نیشا جیھانێ بدەن، بەرێ دوو ھزار سالان ل زاخۆ شەلوشەپک ھاتینە چێکرن ھەتا نووکە ژی کارێ چێکرنا شەلوشەپک ل زاخۆ یێ بەردەوامە، ئەو ئامیرێن ئەڤ جلوبەرگێن کوردی پێ دھێنە دروستکرن دھێنە نیشادان و چەندێن بڕگە و کارێن ھەمەجۆر ناڤ فێستیڤالا شەلوشەپکاندا دھێنە ئەنجامدان”. ئاشکەرا کرکو: “ل رۆژا ٢١/٦/٢٠٢٣ ل دەمژمێر شەش ئێڤاری ل زاخۆ دێ فێستیڤال دەست پێ کەت دا گەلەک جۆرێن شەلوشەپک ناڤ فێستیڤالیدا ھێنە نیشادان “.