ئه‌ڤرۆ ل زانكۆیا پۆلیته‌كنیكى یا دهۆكێ كۆنفرانسه‌كێ زانستى هاته ئه‌نجامدان كۆ هه‌شت زانكویێن هه‌رێما كوردستانێ و چار زانكۆیێن وه‌لاتێن ئه‌ورۆپى تێدا پشكدارن. د.ئارى عادل، سه‌رۆكا زانكۆیا پۆلیته‌كنیكى یا دهۆكێ بۆ(باسنیوز) دیاركر: “ب ئاماده‌بونا قۆنسلێ وه‌لاتێ ئیتالیا ل هه‌رێما كوردستانێ، ب هه‌ماهه‌نگیا وه‌زاره‌تا خاندنا بلند و ڤه‌كۆلینێن زانستى، ل كۆلیژا ته‌كنیكى كارگێرى دهۆك كۆنفرانسه‌كێ زانستى هاته ئه‌نجامدان كۆ د ڤى كۆنفرانسى دا هه‌شت زانكویێن هه‌رێما كوردستانێ و چار زانكویێن وه‌لاتێ ئیتالیا تێدا پشكدارن و گۆتژى: “ئه‌ڤه كۆنفرانسێ حه‌فتىێ یه دهێته ڤه‌كرن كۆ به‌حس ل پرۆژێ ئه‌پرایس دكه‌ت كۆ سه‌ر ب ئێكه‌تیا ئه‌ورۆپا ڤه یه كۆ تێدا چار زانكویێن ئه‌ورۆپا و هه‌شت زانكویێن هه‌رێما كوردستانێ تێدا پشكدارن كۆ ئه‌ڤ پرۆژه به‌حس ل جێبه‌جێكرنا سیسته‌مێ بولۆنیا دكه‌تن لدور سیسته‌مێ خواندنێ كۆ هه‌ر ل سالا 2018 مه ل زانكویا پۆلیته‌كنیكى یا دهۆكێ ئه‌ڤ سیسته‌مه جێبه‌جێ كریه”. گۆتژى: “د ڤى كۆنفرانسى دا به‌حس ل سیسته‌مێ خواندنێ ل زانكویان دهێته كرن، د هه‌مان ده‌مدا به‌حس ل وان پێشینیاران هاتیه كرن و رێكێن چاره‌سه‌ریێ هاتینه به‌حس كرن، چونكه گۆهرینا سیسته‌مێ خواندنێ هنده‌ك ئاریشه دهێنه پێش، له‌ورا ڤه‌كرنا ڤان كۆنفرانسان دێ بیته ئه‌گه‌ر ئه‌و ئاریشه بهێنه چاره‌سه‌ركرن”. گۆتژى: “دێ هه‌مى هه‌ولان ده‌ین باشترین خزمه‌ت د كه‌رتێ زانستى دا بۆ قۆتابیێن خۆ پێشكێش بكه‌ین”.
دهۆك.. ژماره‌كا زانكۆیێن هه‌رێما كوردستانێ و ئه‌ورۆپا كۆنفرانسه‌كێ زانستى ئه‌نجام دده‌ن
