سامان عەبدوڵا، بەرپرسی ڕاگەیاندنی زانکۆی سەلاحەدین، بە (باسنیوز)ی ڕاگەیاند، کاتژمێر 5:00ی ئێوارەی ڕێکەوتی 5/10/2023، لە یاریگای شەهید فرەنسۆ هەریری ڕێوڕەسمی 42مین خولی دەرچووانی زانکۆی سەلاحەدین بەڕێوە دەچێت.
گوتیشی: لەم خولەدا چوار هەزار و 612 قوتابی بڕوانامەی دەرچوونیان پێ دەدرێت.
ڕایشیگەیاند: زانکۆی سەلاحەدین لە 16 کۆلێژ و 95 بەشی ئاکادیمی پێک دێت، ئەمساڵ دەرچووی 15 کۆلێژ بڕوانامەی دەرچوونیان پێ دەدرێت، جگە لە کۆلێژی پزیشکیی ڤێرتێرنەری، چونکە ئەو کۆلێژە ئەمساڵ کراوەتەوە.