لەسەر بودجەی ئیدارەی سەربەخۆی سۆران، بە سەرپەرشتیی سەرۆكایەتیی شارەوانیی سیدەكان دەست كراوە بە دانانی بیهارتۆن بۆ پیادەڕۆیی و ڕێكخستەوەی بازاڕی شارەكە.
لەم بارەیەوە، عەبدولقادر حاجی ئەكڕەم، سەرۆكی شارەوانیی سیدەكان، لە سنووری ئیدارەی سەربەخۆی سۆران، بە (باسنیوز)ی ڕاگەیاند: ”لە درێژەی كار و پرۆژە خزمەتگوزارییەكانی حكوومەتی هەرێمی كوردستان، لەسەر ڕاسپاردەی قایمقامی قەزای سیدەكان و سەرۆكایەتیی شارەوانیمان دەستمان كردووە بە دانانی بیهارتۆن بۆ پیادەڕۆیی و ڕێكخستەوەی بازاڕی سیدەكان.”
گوتیشی: “گوژمەی پرۆژەكە بریتییە لە 130 ملیۆن دینار، لەسەر بودجەی ئیدارەی سەربەخۆی سۆران جێبەجێ دەكرێت و سەرۆكایەتیی شارەوانیی سیدەكان سەرپەرشتی دەكات.”