حەماس ئازادكردنی دایك و كچێكی ئەمریكی راگەیاند

ئەمشەو حەماس ئازادكردنی دوو بارمتەی ئەمریكی راگەیاند و ئاماژەی بەوە دا كە لەبەری هۆكاری مرۆیی ئازادی كردوون.
ئەبو عوبەیدە گوتەبێژ بە ناوی كەتایبی قەسام باڵی سەربازیی حەماس بە میدیا عەرەبییەكانی راگەیاندووە كە لەسەر داوای دەوڵەتی قەتەر، دایكێك و كچەكەیان ئازاد كردووە، كە هاووڵاتیی ئەمریكیین و لە ئیسرائیل بە بارمتە گیرابوون.
جێی باسە سوپای ئیسرائیل پێشتر رای گەیاندبوو كە حەماس 199 كەسی بە بارمتە گرتووە و حەماسیش رای گەیاندبوو كە 250 بارمتەیان گرتووە، كە 22یان لە بۆردوومان و تۆپبارانەكانی ئیسرائیلدا كوژراون.