كه‌ركووك.. به‌هۆی ڕووداوێكی هاتوچۆوه‌ سێ كه‌س بوونه‌ قوربانی

له‌ كه‌ركووك به‌هۆی پێكدادانی نێوان دوو ئۆتۆمبێل، كه‌سێك گیانی له‌ده‌ست دا و دوو كه‌سی دیكه‌ش بریندار بوون.

به‌پێی زانیارییه‌كان، دره‌نگانی شه‌وی پێنجشه‌ممه‌ی ڕابردوو 16ی 11ی 2023،‌ له‌سه‌ر ڕێگه‌ی پشتێنه‌ی كه‌ركووك ڕووداوێكی سه‌ختی هاتوچۆ له‌نێوان دوو ئۆتۆمبێل ڕووی دا و به‌هۆیه‌وه‌ كه‌سێك گیانی له‌ده‌ست دا و دوو كه‌سی دیكه‌ش بریندار بوون.

ڕووداوه‌كانی هاتوچۆ له‌سه‌ر ڕێگه‌ی پشتێنه‌ی كه‌ركووك زۆر بووه‌ و هۆكاره‌كه‌شی بۆ خیرایی لێخوڕین و خراپی ڕێگه‌وبانه‌كانی ئه‌و ڕێگه‌یه‌ ده‌گه‌ڕێته‌وه‌.