بەڕێوەبەرى پەروەردەى دووکان ڕایگەیاند لەسەر بودجەى حکوومەتى هەرێمى کوردستان چەند قوتابخانەیەک فروان دەکرێن.
مەهاباد مستەفا، بەڕێوەبەرى پەروەردەى دووکان، بە (باسنیوز)ى ڕاگەیاند: “لەسەر بودجەى حکوومەتى هەرێمى کوردستان ئێستا بۆ هەریەکە لە قوتابخانه‌ی ئاریا و خاکى بنەڕەتى هۆڵێک دروست دەکرێت، هاوکات پۆلێکى خوێندن بۆ قوتابخانەى سێوکان دروست دەکرێت”.
گوتیشى: “بەدەر لەوەش، کارى نۆژەنکردنەوەى قوتابخانەى چاڵاو تەواو کراوە و ئامادەیە بۆ خوێندن و دوو پۆلى خوێندن بۆ قوتابخانەى تۆبزاوا دروست دەکرێت، هاوکات کەپرى ئاسنین بۆ بەردەم قوتابخانەى قازان دروست دەکرێت”.
بەڕێوەبەرى پەروەدەى دووکان ئاماەژەى بۆ ئەوەش کرد: “چەند پرۆژەیەکى دیکەش بۆ قوتابخانەکان خراونەتە بەرنامە و بە دابینکردنى بودجە بۆیان، دەخرێنە بارى جێبەجێکردنەوە.”