له ناوچه سنوورییه‌كانی هه‌رێمی كوردستان ژنه به‌رپرسێكی پارتی كرێكارانی كوردستان (په‌كه‌كه) كوژرا.
ئه‌مڕۆ دووشه‌ممه 11ی 12ی 2023، ئاژانسی هه‌واڵی (ئه‌نادۆڵو) بڵاوی كرده‌وه كه زەینەب سەویم ناسراو به روکەن زیلان كه به‌رپرسی كۆگای ته‌قه‌مه‌نیی په‌كه‌كه بووه لە لایەن دەزگای هەواڵگریی تورکیا (میت)ەوە كوژرا.
ئاماژه به‌وه دراوه كه ئه‌و به‌رپرسه‌ی پەکەکە کە لە دەوروبەری پارێزگای دهۆک لە (ناوچه سنوورییه‌كان)ی هه‌رێمی كوردستان كوژراوه، كه بەرپرس بووە لە دابین کردنی چەک و تەقەمەنی بۆ په‌كه‌كه.
ئه‌وه‌ش خراوه‌ته ڕوو كه زەینەب سەویم لە ٢٠١٤ چووه‌ته ناو په‌كه‌كه‌وه و لە ساڵی ٢٠١٦ لە مەتینا، لە ٢٠١٧ لە گارە و ٢٠١٩ لە ئاڤەشین بەرپرسیارێتی دابین کردنی چەک و تەقەمەنی بۆ په‌كه‌كه هه‌بووه.
ژنه به‌رپرسێكی په‌كه‌كه كوژرا
