ئەمڕۆ پێنجشەممە بەرێوەبەرایەتیی گشتیی تەندروستیی سۆران، ڕوونکردنەوەیەکی لەبارەی زیادکردنی نرخی بلیتی نەخۆشخانەکان بڵاو كردەوە.
بەڕێوەبەرایەتیی گشتیی تەندروستیی سۆران لەبارەی زیادکردنی نرخی بلیت لە نەخۆشخانەکانی سنووری ئیدارەی سەربەخۆی سۆران، ڕوونی كردەوە كە ماوەی چەند ڕۆژێکە هاووڵاتییان گلەییان کردووە و لە سۆشیال میدیا بڵاو کراوەتەوە کە بەرێوەبەرایەتیی گشتیی تەندروستیی سۆران نرخی بلیتی لە نەخۆشخانەکان زیاد کردووە، لەمبارەوە هاووڵاتییان دڵنیا دەکەنەوە کە گۆڕینی نرخەکان، لە دەسەڵاتەکانی بەرێوەبەرایەتیی گشتی نییە، بەڵکو ئەم گۆڕانکارییە لە لایەن وەزارەتی داراییەوە ئەنجام دراوە، سەرجەم نەخۆشخانەکانی پارێزگاکان و ئیدارە سەربەخۆکانی هەرێمی کوردستان دەگرێتەوە، تەنیا پەیوەست نییە بە ئیدارەی سەربەخۆی سۆرانەوە.